Sheeko xikmadaysan

Meel tuulo ah waxaa ku noolaa Aabo, 4wiil iyo gabar uu dhalay xoolana waxaa u joogay geel badan iyo ey xaafada u ilaaliyo 
Maalin maalmaha kamid ah waxaa dhacday in eygii ay qolo burcad ah dilaan ka dib wiilashii waxa ay ka war heleen in eygoodii la dilay , aabahood ayeey u yimaadeen waxayna u sheegeen in eygii la dilay odaygii ayaa wiilashiisa ku yiri

Ordaha soo dila raggii dilay eygiina! 
Wiilashii ayaa la yaabay hadalka aabahood waxayna dhaheen aabo ey ley nagala dilee ee naga daa aabo odaygii waa uu ka aamusay 

Waxa ay maalmaha is badalaanba waxaa  qoyskii laga afduubtay gabadhoodii ! 

Wiilashii gabadha la dhashay waxay u yimaadeen aabahood ayagoo wato agabkoodii dagaal waxayna ku yiraahdeen aabo gabadheena la afduubtay ayaan soo dhacsanaynaa, odayga ayaa wiilashiisa ku yiri nimanyahow i dhagaysta waxaad yeeshaan raggii eygiina dilay soo dila warkana meesha ayuu ku xiran yahay. Wiilasha oo yaaban ayaa waxay dhaheen war odayga ma waashay gabadheena ayaan kala hadalnaye maxaa waaye eyga uu sheegayo, waxa ay isku qanciyeen in ay bal u yara kaadiyaan bal in ay wax isbadalaan iyo in kale.

Habeenkii xigay waxaa laga dhacay geelii oo subaxiiba waxay soo tooseen geelii oo aan fara lagu haynin, ayagoo yaaban ayaa waxa ay u yimaadeen aabahood waxayna u sheegeen in geelii xalay la dhacay !  Odayga inta uu ku qoslay ayuu yiri ordaha soo dila raggii eygiina dilay! 

Wiilashii waxa ay go'aan ku gaareen in ay qaataan hadalka aabahood waxa ayna soo dileen raggii eyga ka dilay!

Isla markiiba waxaa la isla dhaxmaray in ragaan walaalaha ah ay dileen raggii eygooda dilay.

Wax yar kadib waxaa xaafada yimid raggii gabadha afduubtay ayagoo gabadha wada !

Hadana waxaa xaafada yimid raggii geela dhacay oo geelii wado 
Ileen rag ey laga dilay haddii ay u aargudeen! Maxaa laga filaa in  walaashooda iyo geelooda dartiisa ay u sameyn karaan.

Sheekadaan waxaan ku keenay arinta hada taagan ee ikraan  haddii maalintii wasiir siraaji , ina Elman, Eng yariisow iyo in kale oo xaqdaro lagu dilay mar hore wax laga qaban lahaa malagu dheceen in dadkeena macno daro meelaha la isaga laayo.

Wabilahi Tawfiiq
Abshir Maxamed Tifow

Comments

Post a Comment

Popular posts from this blog

Maxaan ka baranay (Bulshada Muslimka ah) dagaalka Ukraine ee hadd Socda?

Dagaalka ka aloosan Dalka Ukraine waxa uu banaanka keenay munaafaqadda reer galbeedka iyo ninjecleysigooda, isagoo si cad u muujiyay arrimaha Beni Aadamnimada ee ay afka baarkiisa ka sheegtaan.  Hadaba dagaalkaas intii uu socday waxyaabaha layaabka lahaa ee dhacay waxaa ka mid ahaa, in qaxootigii reer Ukraine loo soo dhaweeyay si ka diwan sidii ay u soo dhaweeyeen qaxootigii reer Ciraaq, Suuriya, Yaman, Falastiin iyo kuwo kale oo Islaam ah, arintaan ayaa buuq badan waxaa ka sameeyay bulshada Muslimka ah gaar ahaan kuwa Carbeed, mar falcelintii bulshada Carbeed uu baahiyay wargeyska caanka ah ee The Guardian, waxaa dadkii Faallada ka bixiyay ay ku jawaabayeen Suuriya waa naga diin duwantahay, nagana dhaqan duwantahay, balse Ukraine waa walaalaheen oo waa dal Yurub ah. Halkaas markii ay taagantahay waxaa dagaalka ku soo biiray saxaafadda reer Galbeedka  wariye ka howlgala CBC NEWS oo Marekeynka laga leeyahay ayaa isaga oo si toos ah (Live) u tabinaya qaxootiga soo galayay dalalk...
Read more

Fariin walaaltinimo

 . Ayadoo aan la socono in uu jiray tartan u dhaxeeyay Xildhibaan iyo wasiiru dawlaha wasaarada cadaalada Yuusuf Gama'diid oo ah Xoghayaha guud ee urur siyaasadeedka Himilo Qaran iyo Korneyl Isxaaq Cali Cabdule oo ahaa shaqsi booliska Soomaaliyeed wax badan ka soo shaqeeyay, intii lagu hawlanaa ololaha doorashada labada dhinacba waxa ay lahaayeen labada nin dad taageerayaal ah oo la dhacsanaa qorshayaasha ay kala wateen. Aydoo ay intaas jirto waxaa dheer in kursiga uu hal yahye Jijeele uusan meelna ka soo qooyin tiradooda. Ayadoo ay intaas jiraan hadane waxaa xuso mudan in ragga tartamaayay iyo ragga ololaha labada dhinac la kala safnaa ay wax un Soo kala gaareen sidaa darteed waxaan ku talinaa  1. Waxa lagu loolamaayay waa hal kursi suurta galna ma ahayn in Gama'diid iyo Isxaaq ku wada fariistaan, tartanka marka lagalana waa in qof soo baxaa kuu ahaadaba, horeyaa soomaalida waxa ay ugu maahmaahday "Gari laba qof kama wada qosliso". 2. Gama'diid iyo Isxaaq waa la...
Read more
 Shidaalka waa shayga ugu muhiimsan ee adduunka ku tiirsan yahay, tusaale ahaan shidaalka haddii uu qaaliyoobo waxaa qaaliyoobaya maraakiibta, diyaaradaha, doomaha, korontada, baabuurta, Isbitaalada, daawada iyo dhammaan wixii Elektaronik ku shaqeeya. Maadaama shidaalka sidaa oo dhan muhiim u yahay, muxuu ka sameysan yahay?; Culimmada sayniska waxa ay sheegaan in shidaalka ka sameysan yahay xaywaanaddii malaayiin sano ka hor dhintay lafahoodii, si kale haddaan u dhigno dhulka waxaa ku jira dheecaanadii iyo lafihii xaywaanaddii malaayiin sano ka hor dhintay, iyaga ayaa la soo bixiyaa si loo gubo, loo kala saaro dibna loogu isticmaalo.  Aragti kale ayaa waxa ay leedahay shidaalka waxa uu ka samaysan yahay xaywaanaddii iyo geedihii malaayiin sano ka hor dhintay ee bada hoosteeda oxygen la'aan ku noqday, meesha ku qurmay, sidaasna ku noqday wax saliid camal ah oo jiidmaya. Muddo kadib waxyaabahaan waxa ay qulqul ku sameeyaan dhulka hoostiisa waxay isugu tagaan dhawr meelood oo dhu...
Read more